Staro deska

Puścił jo se Schelingra, przeniós se
o diesiyńć roków zpatki
jak z nami uż zaczinały
mieć celkem problemy nasze matki
Huśle były rok pod łóżkym
a uczyni to mie miebawiło
w szesności z kamoszami se
uż na piwo do hospy chodziło
Wszeckim odfukowoł wiater
włosy jak my jeździli na kole
jo też chcioł być kapke hipi
yny że mi to zakozali we szkole

W Trzyńcu na hutnickim uczi-
liszczu wladła twardo dyscyplina
u kamosza na narozkach
my wypili kapke wiyncej wina
No a potym w kinie bengal
na filmu pes my se rozszczekali
dobrý večer - půjdete s náma
policajci ynym mie zebrali
Eszcze że sóm w Jabłónkowie
ludzie skoro wszecy dobrzi znómi
zachytka żodno, na szkole nic
wszecko wyrzesził yny kónsek gumy

Na plecach bagle, żradło, piwo
rum, gitary, no a jo z huślami
sem tam o wikenu my wyrazili
do lasów a tam grali
Pod strómami u ognia my zaczli
lepić piyrwszi melodije
kdo by se z nas pomyśloł że
jedyn se dzisiejszka niedożije
Uż se bliżiła matura
a z nióm przibywało moc starości
po ni beczki na pastuszce
wojna że pry nóm przetrzepie kości

Piyrwszi seskoki průsery
za trest na pół roku do Přerova
brzdici padaki, mazak
suprak całóm dobe moja głowa
Ostrzigano do goła zaczła
przemyślać bardzi o żiwocie
piyrwszi basniczki, pieśniczki
no tak czau - uż mie w ciwilu mocie
Robota na wysokich piecach mi
zebrała wszecki iluze
z pakarny do pakarny -
uniforme za mónterkowóm bluze

Koncerty, na piwo, czundry
Turecko, czi zapadnio Ewropa
Porta, baby, rewolucyj
zaś o cośi wiyncej stoji ropa
Plany - Australia, deska
no a trzeba założić rodzine
mój stary sen - włosy po pas
żech czenżnył za dzisiejszóm łysine
Sem tam posłechnym staróm deske
przeniesym se o desiyńć roków zpatki
(2x)jak uż s nami zaczinały
mieć celkem problemy nasze matki