Wróbel

Przilecioł ku mie na balkón wróbel
Jak żech groł jesiynióm na gitare
Śpiywoł jo przi tym a ón posłóchoł
Krasne pieśniczki, ale uż stare

O swoji miłej a o przirodzie
W lecie o kómpaniu w czistej wodzie
W zimie o śniegu a zmarzłych rzekach
Z czego tyn wróbel mioł nejwiynkszi strach

Gitara ucichła, ón zaćwyrkoł
O pómóc przez zime mie popytoł
A jo mu ślubowoł w tym przipadku
Zaśpiywej, jak widzisz nasz świat z wyrchu

Kopce sóm gołe, w lasach kónzerwy
Jedyn drugimu grocie na nerwy
Pełno świnstwa je w tej czistej wodzie
A twoja miło siedzi w gospodzie

Po twarzi sciykajóm dwie wielki łzy
Dziecka robióm krawal tam u Olzy
Pogładził żech ptoka, no tak uż leć
Co'ch ślubił, to bedym chcioł dodrżeć

Ku rzece przilecioł, na stróm siednył
Z luftówki chuligan brok wystrzelił
Wróbel nasz spadnył do kalnej Olzy
Jo na balkónie śpiywóm bez pauzy

O swoji miłej a o przirodzie
W lecie o kómpaniu w czistej wodzie
W zimie o śniegu a zmarzłych rzekach
Z czego tyn wróbel mioł nejwiynkszi strach

Kopce sóm gołe, w lasach kónzerwy
Jedyn drugimu grocie na nerwy
Pełno świnstwa je w tej czistej wodzie (3x)ochrancy przirody sóm w gospodzie